1Th 1 | PONPDN | STEP | PAULUS, o Silwanus, o Timoteus on momodisou en Tesalonik, me ren Kot Sam o Kaun Iesus Kristus. Mak o popol en mi re omail!

1 Thessalonians 1

1 PAULUS, o Silwanus, o Timoteus on momodisou en Tesalonik, me ren Kot Sam o Kaun Iesus Kristus. Mak o popol en mi re omail! 2 Se kin poden danke Kot ki komail karos o tamataman kin komail ni at kapakap akan. 3 O se kin tamatamanda omail wiawia kan ni poson, o omail dodok ni limpok, o omail kanonama ni kaporoporeki atail Kaun Iesus Kristus sansal on Kot o Sam atail. 4 Pwe ri ai kan o kompoke pan Kot akan, se asa duen omail lipilipil re a, 5 Pwe at ronamau lel on komail er, kaidin nin lokaia ta, a pil ni manaman o Nen saraui, o ni kamelelepa kaualap, pwe komail asa son en aramas da kit re omail pweki komail. 6 A komail ale saner kit o san Kaun o, ni omail aleer masan o ni kamekam kaualap o ni peren en Nen saraui. 7 Komail wialar kilel en saulan karos mi Masetonien o Akaia. 8 Pwe san re omail masan en Kaun o kaparaparalar, kaidin nan Masetonien o Akaia eta, pwe pil wasa karos omail poson Kot lokila ia; ari, solar me se pan inda. 9 Pwe pein irail kaire kin kit, duen at pwaralan komail me pwaida, o duen omail wuki on Kot san dikedik en ani kan, pwen papan Kot, me udan maur o melel. 10 O auiaui sapwilim a Ol san nanlan, me a kotin kaiasada san ren me melar akan, Iesus, me kotin dore kitail san ni onion en Kot, me pan sansaldo.